May 05, 2020
జనరల్ సైన్స్ స్టడీ మెటీరియల్ - 6వ తరగతి - 01. మన ఆహారం
6వ తరగతి జనరల్ సైన్స్ – 01. మన
ఆహారము
---
+ అరటి పండులో మన శరీరానికి పనికివచ్చే పొటాషియం అనే
పదార్ధము ఉంటుంది.
+ ఆంధ్రప్రదేశ్ లోని చాలా ప్రాంతాలలో ప్రతి రోజూ భోజనంలో
అన్నము, పప్పు, కూరలు వంటి ఆహారపదార్ధాలు భాగంగా ఉంటాయి.
+ అన్నం వండటానికి కేవలం బియ్యం, నీరు సరిపోతాయి. కానీ
బిర్యానీ చేయాలంటే ప్రత్యేకమైన దినుసులు అవసరం అవుతాయి.
+ ఖాళీ కడుపుతో అరటిపండును తినకూడదు. దానిలో ఉండే చక్కెర
ప్రభావాన్ని తగ్గించుకోవడానికి ఏదైనా మాంసకృత్తులు (ప్రోటీన్స్) గల ఆహారంతో కలిపి
తినాలి.
+ ఆహారాన్ని తయారుచేయడానికి ఉపయోగించే పదార్ధాలను
‘దినుసులు’ అంటారు.
+ నిలువచేసిన ఆహారపదార్ధాలు (బిస్కెట్లు, శీతలపానీయాలు)
ఉండే డబ్బాలపై అందులోని దినుసుల వివరాలు రాసి ఉంటాయి.
+ మనకు మొక్కల నుండి కూరగాయలు, పండ్లు లభిస్తాయి.
+ జంతువుల నుండి గుడ్లు, పాలు, మాంసము లభిస్తాయి.
+ కాఫీలో ఉండే ‘చికోరి’ జీర్ణ వ్యవస్థకు, రక్తప్రసరణ
వ్యవస్థకు మేలు చేస్తుంది.
+ గొర్రెల నుంచి మాంసము, పాలు లభిస్తాయి.
+ కోళ్లు, బాతుల నుంచి మాంసము మరియు గుడ్లు లభిస్తాయి
+ మొక్కలలో వివిధ భాగాలను ఆహారంగా తీసుకుంటాము
- పాలకూర,
కొత్తిమీర మొక్కలలో ఆకులను ఆహారంగా తీసుకుంటాము.
- గోబి మొక్కలో
(కాలీ ఫ్లవర్) పువ్వును ఆహారంగా తీసుకుంటాము.
- టమాటా, మునగ
చెట్లలో కాయలను ఆహారంగా తీసుకుంటాము.
+ బీట్ రూట్ లో పిండి పదార్దాలు ఎక్కువ పరిమాణంలో ఉంటాయి
కాబట్టి తరచుగా వాటిని తినడం మంచిది.
+ బిర్యానీ తయారుచేయడానికి ఉపయోగించే వంట దినుసులైన
ఏలకులు, లవంగాలు, దాల్చిన చెక్క, బిర్యానీ ఆకులు, నల్ల మిరియాలను ‘సుగంధ
ద్రవ్యాలు’ అంటారు.
+ పాయసం తయారుచేయడానికి ఉపయోగించే జీడిపప్పు, బాదం, కిస్
మిస్ ల వంటి వాటిని ఎండిన పండ్లు (డ్రైఫ్రూట్స్) అంటారు.
+ డ్రైఫ్రూట్స్ ఇచ్చే మొక్కలు కొన్ని ప్రాంతాలలో మాత్రమే
పండుతాయి కనుక ఎక్కువ పరిమాణంలో లభించవు మరియు ఖరీదు ఎక్కువగా ఉంటాయి.
+ బఠానీలలో మాంసకృత్తులు సంవృద్ధిగా ఉంటాయి. అయితే
కొందరిలో ఇవి అలర్జీని కలిగిస్తాయి. కొందరికి జీర్ణం కావు.
+ మొక్కలోని వివిధ భాగాలను మనం ఆహారంగా ఉపయోగిస్తాము.
+ ఆకులు, వేర్లు, విత్తనాలు, పండ్లు ఆహారంగా విరివిగా
ఉపయోగించే మొక్క యొక్క భాగాలు.
+ కాండాలు, పువ్వులు తక్కువగా ఆహారంగా ఉపయోగించే మొక్క
యొక్క భాగాలు.
+ వంట చేయడానికి అవసరం అయిన అనేక దినుసులు మొక్కలు,
జంతువులు లేదా ఖనిజ లవణాల నుంచి లభిస్తాయి.
+ ఒక ప్రాంతంలో పండే పంటలు, ఆ ప్రాంతపు భౌగోళిక, శీతోష్ణ
పరిస్థితులపై ఆధారపడతాయి.
+ మన ప్రాంతంలో గోధుమలతో, మొక్కజొన్నలతో పోల్చితే బియ్యం,
బియ్యపు ఉత్పత్తులను ఎక్కువగా ఆహారంగా తీసుకుంటాము.
+ రాజస్థాన్ ప్రాంతంలో వరి కంటే ఎక్కువగా మొక్కజొన్నలు,
సజ్జలు, గోధుమలు ఉత్పత్తి అవుతాయి.
+ రాజస్థాన్ ప్రాంతంలో అన్నం బదులుగా చపాతీలు లేదా
రొట్టెలను ప్రధానంగా ఆహారంగా ఉపయోగిస్తారు.
+ ఆహారాన్ని తయారుచేయడానికి ఉడికించడం, ఆవిరిలో
ఉడికించడం, పులియబెట్టడం, ఎక్కువ/తక్కువ నూనెలో వేయించడం, చాపింగ్, మిక్సింగ్,
కటింగ్ వంటి పద్ధతులను ఉపయోగిస్తుంటారు.
+ ఆహారపు రుచి వంట చేసే విధానం మీదా, వంటకు ఉపయోగించే
దినుసుల మీద ఆధారపడి ఉంటుంది.
+ ఉల్లిపాయలలో ఉండే యాంటీ ఆక్సిడెంట్ లు మనల్ని రోగాల
బారి నుంచి కాపాడే పదార్ధాలు
+ చిలకడదుంపలలోని రక్తాని శుద్ధి చేసే పదార్ధాలు లేదా
కెరోటినాయిడ్ యాంటీ ఆక్సిడెంట్ లు ఉంటాయి.
+ వండిన కూరలు కొద్ది రోజులు బయట ఉంచితే చెడిపోతాయి. కానీ
పచ్చళ్లు, ప్రత్యేకంగా తయారుచేసిన కొన్ని పదార్దాలు ఎక్కువకాలం చెడిపోకుండా
ఉంటాయి.
+ ఆహార పదార్ధాలు ఎక్కువకాలం నిలువ ఉండటానికి కారణం
వాటిని నిలువ చేసే పద్ధతులే.
+ కొన్ని ఆహార పదార్దాలను ఎక్కువ రోజులు నిలువ చేయడానికి
ఉప్పు పూసి ఎండబెట్టే పద్ధతిని ఎంచుకుంటారు.
+ కొన్ని ప్రాంతాలలో చేపలను ఎండబెట్టి నిలువ చేస్తారు.
+ కూరగాయలు, మాంసము వంటివి కూడా ఎండబెట్టి, పచ్చళ్లు చేసి
నిలువ చేస్తారు.
+ పచ్చళ్లు నిలువ చేయడానికి ఉప్పు, కారం, నూనె, పసుపు
పొడిని ఉపయోగిస్తారు.
+ తీరప్రాంతాలలో చేపలను నిలువ చేయడానికి వాటికి పొగబెట్టే
పద్ధతి సర్వసాధారణంగా కనిపిస్తుంది.
+ చక్కెర పాకం, తేనెను పండ్లను నిలువ చేసే పదార్దాలుగా
వినియోగిస్తారు.
+ పండ్లను జామ్ లేదా పండ్ల రసాలుగా మార్చి నిలువ
చేస్తారు.
+ టమాటాలలో విటమిన్ సి అధికంగా ఉంటుంది.
+ టమాటా విత్తనాల చుట్టూ ఉండే గుజ్జులో విటమిన్ సి
అధికంగా ఉండి రోగనిరోధక శక్తిని కలిగిస్తుంది.
+ మార్కెట్ లో దొరికే నిల్వ చేసిన ఆహార పదార్ధాలలో
హానికరమైన రసాయనాలు ఉంటాయి.
+ ప్యాకెట్ లో నిల్వ చేసిన ఆహారపదార్దాలను కొనుగోలు చేసే
ముందు వాటిలో ఉపయోగించిన దినుసులను, తయారుచేసిన తేదీని విధిగా పరిశీలించాలి.
+ కాలం చెల్లిన ఆహార పదార్ధాలను తినడం వల్ల ఆరోగ్యానికి
హాని కలుగుతుంది.
+ కూరగాయలను, పండ్లను వివిధ రకాల ఆకారాలలో, డిజైన్లలో
అందంగా అలంకరించే కళను ‘వెజిటబుల్ కార్వింగ్’ అంటారు.
+ ‘సాలడ్’ అనే పదము ‘సాలటా’ అనే లాటిన్ పదము నుంచి
వచ్చింది.
+ సాలటా అనే పదానికి అర్ధము ఉప్పు
+ ఆహారపు రుచి అందులో ఉపయోగించిన వంట దినుసులు, తయారుచేసే
పద్ధతి మరియు ఆ ప్రాంతపు సంస్కృతిపై ఆధారపడి ఉంటుంది.
+ ఆహారపదార్ధాలను నిలువ చేయడానికి ఉపయోగించే రసాయనాలు,
రంగుల వల్ల క్యాన్సర్ వంటి వ్యాధులు వస్తాయి.
ఇవి కూడా . . .
+ అరటి
పండులో మన శరీరానికి పనికి వచ్చే పొటాషియం అనే పదార్ధము ఉంటుంది.
+ ఖాళీ
కడుపుతో అరటిపండు తినకూడదు. దానిలో ఉండే చక్కెర ప్రభావాన్ని తగ్గించుకోవడానికి
ఏదైనా మంసకృత్తులున్న పదార్ధంతో కలిపి తినాలి.
+ ‘చికోరి’
జీర్ణవ్యవస్థకు, రక్త ప్రసరణ వ్యవస్థకూ మేలు చేస్తుంది.
+ బీట్ రూట్
లో పిండి పదార్ధాలు ఎక్కువ పరిమాణంలో ఉంటాయి కాబట్టి వాటిని తరచుగా తినడం మంచిది
+ బఠానీలలో
మాంసకృత్తులు సమృద్దిగా ఉంటాయి. అయితే కొందరిలో ఇవి అలర్జీని కలిగిస్తాయి.
కొందరికి జీర్ణం కావు.
+
ఉల్లిపాయలలో ఉండే యాంటీ ఆక్సిడెంట్ లు మనలను రోగాలబారినుంచి కాపాడే పదార్ధాలు
+
చిలగడదుంపలలో రక్తాన్ని శుద్ధి చేసే పదార్ధాలు (కెరోటినాయిడ్ యాంటీఆక్సిడెంట్లు)
ఉంటాయి.
+ టమాటాలలో
విటమిన్ సి అనే పదార్ధము ఉంటుంది. విత్తనాల చుట్టూ ఉండే గుజ్జులో అధికంగా ఉంటుంది.
ఇదిరోగ నిరోధక శక్తిని కలిగిస్తుంది.
+ సాలడ్ అనే
పదము ‘సాలటా’ అనే లాటిన్ పదం నుంచి వచ్చింది. సాలటా అంటే ఉప్పు అని అర్ధం
+ ఆహార పదార్ధాలను నిలువచేయడానికి ఉపయోగించే రసాయనాలు, రంగులవల్ల
క్యాన్సర్ వంటి వ్యాధులు వస్తాయి