| About us | Contact us | Advertise with us

6వ తరగతి జనరల్ సైన్స్ స్టడీ మెటీరియల్ - 04 జంతువులు ఏమి తింటాయి? | General Science Study Material - 6th Class - Rain: What Do Animals Eat?

జనరల్ సైన్స్ స్టడీ మెటీరియల్ - 6వ తరగతి - 04. జంతువులు ఏమి తింటాయి? డియస్సీ, టెట్ తో పాటు ఎపిపియస్సీ గ్రూప్-1, గ్రూప్-2, గ్రూప్-... thumbnail 1 summary

జనరల్ సైన్స్ స్టడీ మెటీరియల్ - 6వ తరగతి - 04. జంతువులు ఏమి తింటాయి?

జంతువులు ఏమి తింటాయి?
డియస్సీ, టెట్ తో పాటు ఎపిపియస్సీ గ్రూప్-1, గ్రూప్-2, గ్రూప్-3 (పంచాయతీ సెక్రటరీ), గ్రూప్-4, గ్రామ సచివాలయం, పోలీస్ ఉద్యోగాలు (కానిస్టేబుల్స్, సబ్ ఇన్స్పెక్టర్స్), రైల్వే ఉద్యోగాలు మరియు ఇతర పోటీ పరీక్షలకు జనరల్ సైన్స్ విభాగం కోసం 6 నుంచి 10వ తరగతి వరకూ పాఠ్యపుస్తకాలను చదవాలంటూ చాలా మంది నిష్ణాతులు తెలియచేస్తుంటారు. అయితే అభ్యర్ధులు సమయం లేకపోవడం మూలంగానో లేక ఆయా పుస్తకాలను సేకరించడం కష్టమయ్యో సాధారణ పుస్తకాలపై ఆధారపడి ప్రిపరేషన్ కానిచ్చేస్తుంటారు. అటువంటి అభ్యర్ధుల కోసం నవచైతన్య కాంపిటీషన్స్ పాఠ్యపుస్తకాలను ఆధారంగా చేసుకుని లైన్ టూ లైన్ ముఖ్యమైన అంశాలతో కూడిన చక్కని సంక్షిప్త నోట్స్ ను అందుబాటులోకి తీసుకు వస్తున్నది. కనుక మా వెబ్ సైట్ ను అనుసరించండి. మేము అందిస్తున్న డైలీ కరెంట్ అఫైర్స్ ప్రాక్టీస్ బిట్స్ ఆన్ లైన్ టెస్ట్ ను ఉచితంగా అందుకోవడానికి NC DAILY - 15 అని 9640717460 కు వాట్సాప్ సందేశం పంపండి. లేదా ఇక్కడ క్లిక్ చేయండి.


6వ తరగతి జనరల్ సైన్స్ – 03. జంతువులు ఏమి తింటాయి?
---
+ కుక్క వాసనను పసిగట్టడం ద్వారా బిస్కెట్ కు బంతికి గల భేదాన్ని గుర్తిస్తుంది.
+ కొన్ని జంతువులు ఆహారం కోసం కేవలం మొక్కలమీద ఆధారపడతాయి.
+ కొన్ని జంతువులు ఆహారం కోసం కేవలం జంతువుల మీద ఆధారపడతాయి.
+ మరికొన్ని జంతువులు మొక్కలు మరియు జంతువులపై ఆహార అవసరాల నిమిత్తం ఆధారపడతాయి.
+ ఆహారం కోసం కేవలం మొక్కలపై ఆధారపడే జంతువులను శాఖాఖారులు అంటారు.
+ ఆహారం కోసం ఇతర జంతువులపై ఆధారపడే జంతువులను మాంసాహారులు అంటారు.
+ ఆహారం కోసం మొక్కలు మరియు జంతువులు రెండింటిపై ఆధారపడేవాటిని ఉభయాహారులు అంటారు.
+ జంతువులు ఆహార సేకరణ కోసం తమదైన పద్ధతులను అనుసరిస్తాయి.
+ మన పరిసరాలలో ఉన్న మొక్కలు, జంతువులు ప్రధాన ఆహారపు వనరులు.
+ దాదాపుగా జంతువులన్నీ తరచూ దొరికే ఆహారాన్ని తీసుకుంటాయి.
+ దానికోసమై ఆహారం కోసం జంతువులు అన్వేషించాల్సిఉంటుంది.
+ జంతువుల ఆహారాన్వేషణలో జ్ఞానేంద్రియాలు సహకరిస్తాయి.
+ వాసన, చూపు, వినడం, స్పర్శను ఉపయోగించుకుని ఆహారాన్ని సేకరించుకుంటాయి.
+ కొన్ని జంతువులు ఆహార సేకరణలో ఒకటి కన్నా ఎక్కువ జ్ఞానేంద్రియాలపై ఆధారపడతాయి.
+ కుక్క వాసన ద్వారా ఆహారాన్ని అన్వేషిస్తుంది.
+ గద్దలు ఉన్నతమైన చూపు ద్వారా ఆహారాన్ని అన్వేషిస్తాయి.
+ గబ్బిలాలు వినికిడిపై ఆధారపడి ఆహారాన్ని అన్వేషిస్తాయి.
+ సరీసృపాలు వాసన చూడటం ద్వారా ఆహారాన్ని అన్వేషిస్తాయి.
+ నీటిపైన ఈదే కీటకాలు నీటి ఉపరితలంపై ఏర్పడే అలజడులను బట్టి ఆహారాన్ని గుర్తించి ఆ దిశగా కదులుతాయి.
+ ఆహారాన్ని వెతకడంతో పాటు సేకరించడం లేదా పట్టుకోవడం కూడా కీలకమే.
+ ఆహార సేకరణ మరియు పట్టుకోవడం కోసం నోటి భాగాలు, చేతులు లేదా కాళ్లు ఉపకరిస్తుంటాయి.
+ కుక్కలు నాలుకను నాకడానికి ఉపయోగిస్తే, కప్ప, ఆహారాన్ని పట్టుకుని మింగడానికి ఉపయోగిస్తుంది.
+ ఆహారంగా కీటకాలను పట్టుకోవడానిక కోళ్లు ముక్కును ఉపయోగిస్తే కప్పలు వాటి నాలుకను ఉపయోగిస్తాయి.
+ పక్షుల యొక్క ముక్కులు అవి తీసుకునే ఆహారంబట్టి మారుతాయి.
+ ఒక జంతువు తినే ఆహారము దానిని సేకరించే విధానమే వాటి ఆహారపు అలవాటుగా మారుతుంది.
+ పీల్చడనము, నాకడము, ఏరడము, నమలడము, మింగడము మొదలైన మార్గాల ద్వారా జంతువులు ఆహారాన్ని తీసుకుంటాయి.
+ వివిధ రకాలైన ఆహారాన్ని తీసుకోవడం వల్ల పక్షుల ముక్కులలో వైవిధ్యం ఉంటుంది.
+ వడ్రంగి పిట్టకు ఉన్న బలమైన ముక్కును ఉపయోగించి అది చెట్ల బెరళ్లను తొలగించి వాటి క్రింద ఉండే చీమలను, చెదలను, పురుగులను తింటుంది.
+ కొంగ తన పొడవాటి ముక్కుతో నీటిలోని చేపలను పడుతుంది.
+ గ్రద్ధకు ఉండే బలమైన ముక్కు జంతువుల మాంసాన్ని చీల్చేందుకు వీలుగా ఉంటుంది.
+ పండ్లు విత్తనాలను కొరికి తినే చిలుక ముక్కు బలంగా వంకర తిరిగి ఉంటుంది.
+ జంతువుల మాంసాన్ని చీల్చడానికి వీలుగా కొన్ని పక్షులకు వాడిగా ఉండే గోర్లతో పాటు బలమైన కొక్కెం వంటి ముక్కు ఉంటుంది. ఉదాహరణకు గ్రద్ద.
+ తేనెపిట్ట వంటి వాటికి పొడవాటి, సన్నని ముక్కు ఉంటుంది. వాటికి వాడిగా ఉండే గోర్లు అవసరం లేదు.
+ మన పరిసరాలలో నివసించే కాకులు సాధారణంగా వృధాగా పారేసిన, కుళ్లిన ఆహార పదార్ధాలను, చనిపోయిన జంతువుల మొదలైన వాటిని తింటాయి.
+ మన పరిసరాలు శుభ్రంగా ఉంచడంలో కాకులు సహకరిస్తాయి కనుక వీటిని ‘సహజ పారిశుధ్య కార్మికులు’ అంటారు.
+ కాకులతో పాటు గ్రద్ధలు కూడా సహజ పారిశుధ్య కార్మికులే.
+ కప్ప జిగురుగా ఉండే పొడవైన నాలుకను కీటకం వైపు విసిరి, కీటకం నాలుకకు అంటుకున్న తరువాత దానిని లాక్కొని మింగేస్తుంది.
+ ఆవు, మేక, బర్రె, గొర్రె, జిరాఫీ, ఒంటె, ఏనుగు, జింక వంటి జంతువులు పచ్చి/ఎండు గడ్డి, ఆకులు, కొమ్మలు తింటాయి. ఆహారం కోసం మొక్కల మీద ఆధారపడే ఈ తరహా జంతువులను శాకాహారులు అంటారు.
+ ఆవు, గేదె, ఒంటె మొదలైన జంతువులు ఆహారాన్ని మొదట గబగబా నమిలి, జీర్ణాశయంలో ఒకభాగంలో నిలువ చేస్తాయి.
+ కొంత సమయం తరువాత మింగిన ఆహారాన్ని జీర్ణాశయం నుండి నోట్లోకి తెచ్చుకొని మళ్లీ బాగా నములుతాయి. దీనినే నెమరువేయుట అంటారు.
+ క్రేన్ ఫ్లై లార్వాదశలో ఉన్నపుడు ఎక్కువగా ఆహారాన్ని తీసుకుంటుంది కానీ ప్రౌఢ జీవిగా అది మారిన తరువాత దానికి ఆహారాన్ని తినవలసిన అవసరమే ఉండదు.
+ కుక్కలు, సింహము, నక్క, తోడేలు, పులి వంటి జంతువులకు మాంసాన్ని చీల్చడానికి తగినట్లుగా పదునైన దంతాలు ఉంటాయి.
+ వేటాడే జంతువులకు పరుగెత్తడానికి బలమైన కాళ్లు పట్టుకోవడానికి పదునైన గోర్లు, మాంసం చీల్చడానికి పదునైన దంతాలు ఉంటాయి.
+ కుందేళ్లకూ ఉడతలకూ ఉండే పండ్లను ఉపయోగించుకుని అవి గింజలు, దుంపలు, ఆకులను కొరికి తింటాయి.
+ కుక్క లేదా పిల్లికి నోట్లో పదునైన దంతాలు అండటం మనం చూడవచ్చు. వీటితో అవి జంతువుల మాంసం చీల్చి తింటాయి.
+ బాతులకు ఉండే దంతాలు నీటి నుంచి ఆహారం సేకరించడంలో వడపోత సాధనంగా ఉపయోగపడతాయి.
+ చేపలకు ఉండే పళ్లు కూడా బాతులవలె ఆహారాన్ని సేకరించడానికి ఉపయోగపడతాయి.
+ పశువులు, మనుషుల చర్మాలకు అంటుకునే జలగలు రక్తాన్ని పీల్చుకుంటాయి.
+ రక్తాన్ని పీల్చడానికి జలగ నోటిచుట్టూ ‘చూషకాలు’ అనే ప్రత్యేక అవయవాలు ఉంటాయి.
+ బొద్దింకలు, ఎడారి సరీసృపాలు, ఎలుకలు, గుడ్లగూబలు, గబ్బిలాలు, మాత్ (రెక్కలపురుగు)లు, ఇలకోడి మొదలైన జంతువులు రాత్రివేళలోనే ఆహారాన్ని సేకరిస్తాయి.
+ పగటి వేళలో చీకటి ప్రదేశాలలో దాక్కుని, రాత్రిపూట, చీకటి ప్రదేశాలలో మాత్రమే తిరిగే జంతువులను ‘నిశాచరులు’ అంటారు.
+ ప్రకృతిలో మొక్కల, జంతువుల ఆహారపు అలవాట్లను బట్టి వాటి మధ్య సమతుల్యత ఉంటుంది.
+ కొలనులో గుడ్లు, లార్వాలను చేపలు, కప్పలు తింటాయి. చేపలు, కప్పలు కొంగకు ఆహారం అవుతాయి.
+ ఆహారపు అలవాట్లను బట్టి జంతువుల మధ్య గల సంబంధమే ఆహారపు గొలుసు అవుతుంది.
+ ఆహారపు గొలుసు ప్రకృతిలోని జీవుల పరస్పర ఆధారాన్ని, జీవవైవిధ్యాన్ని తెలుపుతుంది.
+ ఆహారపు గొలుసులు ఎల్లపుడూ సరళరేఖలో ఉండాల్సిన అవసరంలేదు. అనేక ఆహారపు గొలుసులు ఒకదానితో ఒకటి సంబంధం ఉండి శాఖోపశాఖలుగా చీలి ఆహారజాలకంగా ఏర్పడతాయి.
+ ఆహారపు గొలుసులతో ఆహారపు జాలకము ఏర్పడుతుంది.
+ ఆహారపు జాలకంలో జంతువులు ఆహారం కోసం ఒకటి కంటే ఎక్కువ రకాల ఆహారపు వనరులపై ఆధారపడతాయి.
+ ప్రస్తుత కాలంలో పంటలను కాపాడటానికి ఉపయోగించే అనేక పురుగుమందులు, కీటకనాశనులు అనేక కప్పలు చనిపోవడానికి కారణము అవుతున్నాయి.
+ ఆహారపు గొలుసులో ఏ స్థానంలో అంతరాయం ఏర్పడ్డా అది మొత్తం ఆహారపు జాలకాన్ని ప్రభావితం చేస్తుంది.
+ చీమలదండులోని కూలీ చీమలు అనేక పనులతో పాటు గుంపులోని ఇతర చీమలకోసం ఆహార సేకరణ, ఆహార నిల్వ బాధ్యతలను నిర్వహిస్తాయి.
+ మనం ఆవులను పాలకోసం పెంచినట్లు, చీమలు ‘హనీ డ్యూ’ అనే పదార్ధం కోసం ‘ఏపిడ్స్’ అనే కీటకాలను పెంచుతాయి.
+ చీమలు ఒకరకమైన శిలీంధ్రాలను ఆహారంగా తీసుకుంటాయి. దీనికోసం ఆకులను చిన్న చిన్న ముక్కలుగా కత్తిరించి ఒక పాన్పు వలె తయారుచేసి అందులో శిలీంధ్రాన్ని పెంచుతాయి.


ఇవి కూడా . . .
+ 600 మిలియన్ సంవత్సరాలకు పూర్వం ప్రికేంబ్రియన్ కాలంలో మొదటగా జంతువులు ఉద్భవించాయి.
+ పెంగ్విన్, ఆస్ట్రిచ్, ఈము, రేహ మొదలైన పక్షులకు రెక్కలు ఉంటాయి కానీ ఎగురలేవు.
+ కొన్ని రకాల కోతులు మాంసాహారులవలె ఇతర జంతువులను తింటాయి.
+ జంతువులను ఆరు ప్రాధమిక సమూహాలుగా వర్గీకరిస్తారు. అవి అకసేరుకాలు, చేపలు, ఉభయచరాలు, సరీసృపాలు, పక్షులు, క్షీరదాలు
+ ప్రస్తుతం భూమి మీద జీవించియున్న జంతుజాలంలో 5400 ల క్షీరద జాతులు నివసిస్తున్నాయి.
+ స్పంజికలు అనే జంతువులలో చలనం ఉండదు. జీవితంలో ఎక్కువ కాలం ఒక ప్రదేశంలో స్థిరంగా ఉంటాయి.
+ జంతువులు పరపోషకాలు అవి తమకై తాము ఆహారాన్ని తయారుచేసుకోలేవు.
+ జంతువులలో నీలి తిమింగలం చాలా పెద్దది
+ నీలి తిమింగలం 110 నుంచి 160 టన్నుల బరువును, 20 నుంచి 30 మీటర్ల పొడవు కలిగియుంటుంది.
+ 150 మిలియన్ల సంవత్సరాల పూర్వం మీసోజోయిక్ యుగంలో సరీసృపాలనుంచి పక్షులు ఉద్భవించాయి.
+ ఎడారి జంతువులు చాలావరకూ నిశాచరులు. పగటి వేడి నుంచి తప్పించుకోవడానికి బొరియలలో నివసిస్తాయి.
+ చిరుతపులి పిల్లి కుటుంబానికి చెందినది. ఇది 12 నుంచి 17 సంవత్సరాలపాటు జీవిస్తుంది.
+ పక్షులను కూడా సకశేరుకాలు అంటారు. కారణం వీటికి వెన్నెముక ఉండడమే.

exams.navachaitanya.net