February 20, 2020
జనరల్ సైన్స్ స్టడీ మెటీరియల్ - 6వ తరగతి - 05. పదార్థాలు - వస్తువులు
6వ తరగతి
జనరల్ సైన్స్ – 05. పదార్దాలు - వస్తువులు
---
+ కొన్ని వస్తువులను
తయారుచేయాలంటే ఒకటి కంటే ఎక్కువ పదార్థాలు కూడా అవసరం కావచ్చు.
+ ఉదాహరణకు పెన్నులో
గొట్టము ప్లాస్టిక్ తోనూ, క్లిప్ స్టీలుతోనూ తయారవుతుంది.
+ వస్తువులు అన్నీ వేరు
వేరు పదార్థాలతో తయారై ఉంటాయి.
+ అలాగే ఒకే పదార్థం
నుంచి వేరు వేరు వస్తువులను తయారుచేయవచ్చు.
+ వస్తువు యొక్క ఉపయోగం
అనుసరించి ఏ పదార్థంతో తయారుచేయాలన్న విషయం నిర్ణయించబడుతుంది.
+ అలాగే పదార్థాలకు ఉండే
ధర్మాలు మెత్తదనం, గట్టిదనం, మెరుపు ఉండటం, మెరుపు లేకపోవడం వంటి ధర్మాలు ఏ
వస్తువులను తయారుచేయగలమో నిర్ణయిస్తాయి.
+ అవతలి వస్తువులను
స్పష్టంగా చూసేందుకు అవకాశం ఇచ్చే పదార్ధాలను పారదర్శక పదార్ధాలు అంటారు.
+ గాజు ఒక పారదర్శక
పదార్ధము. అందుకే దుకాణదారులు మిఠాయి దుకాణాలలో తినుబండారాలను గాజు పెట్టెలలో
అమర్చుతారు.
+ చెక్క, స్టీలు,
కార్డుబోర్డు వంటి కొన్ని పదార్ధాల గుండా అవతలి వస్తువులను చూడలేము. అటువంటి పదార్థాలను
’అపారదర్శక పదార్థాలు’ అంటారు
+ మరికొన్న పదార్థాల
గుండా అవతలి వస్తువులను చూడగలము కానీ స్పష్టంగా చూడలేము. అటువంటి వాటిని ‘పాక్షిక పారదర్శక
పదార్థాలు’ అంటారు.
+ నూనెలో ముంచిన కాగితము
పాక్షిక పారదర్శక పదార్థానికి చక్కని ఉదాహరణ.
+ మంచు ముక్కలను ఒక గ్లాసులో
తీసుకుని వేడిచేసినపుడు అవి క్రమంగా కరగడం గమనించవచ్చు. పూర్తిగా కరిగిన తరువాత ఆ
నీటిని తీసుకుని వేడిచేసినపుడు కొద్ది సమయం తరువాత నీరు ఆవిరిగా మారడాన్ని గమనించవచ్చు.
+ అంటే వేడిచేసినపుడు
కొన్ని పదార్ధాలు ఘనస్థితి నుంచి ద్రవస్థితికి, ద్రవస్థితి నుంచి వాయుస్థితికి
మారతాయి.
+ అదేవిధంగా
చల్లబరచినపుడు వాయుస్థితి నుంచి ద్రవస్థితికి, ద్రవస్థితి నుంచి ఘనస్థితికి
మారతాయి.
+ కావునా సాధారణ
ఉష్ణోగ్రతను బట్టి పదార్ధాలను ఘన, ద్రవ, వాయు పదార్థాలుగా వర్గీకరించవచ్చు.
+ నీరు వంటి పదార్థాలు
అవి ఉంచిన పాత్రను బట్టి ఆకారాన్ని పొందుతాయి.
+ చెక్క వంటి పదార్థాలు
నిర్ధిష్టమైన ఆకారాన్ని కలిగి ఉంటాయి. వీటికి ఆకారాన్ని మార్చుకునే లక్షణం ఉండదు.
+ పాత్రను బట్టి
ఆకారాన్ని మార్చుకునే పదార్థాలనై నీరు, పాలు, కిరోసిన్ వంటి వాటిని ద్రవపదార్థాలు
అంటారు.
+ పాత్రను బట్టి
ఆకారాన్ని మార్చుకోని పదార్థాలైన చెక్క, రాయి, ఇటుక, ప్లాస్టిక్, బంతి, కూరగాయలు
వంటి పదార్థాలను ‘ఘన పదార్థాలు’ అంటారు.
+ పంచదార పోసిన పాత్ర
ఆకారాన్ని పొందుతున్నప్పటికీ అది ద్రవపదార్థం కాదు. పంచదార స్పటికము ఘన పదార్తము.
+ సాధారణంగా కొన్ని
వస్తువులు నీటిలో మునుగుతాయి. మరికొన్ని వస్తువులు నీటిలో తేలుతాయి.
+ ఇనుముతో తయారైన ఇనుప
మేకు నీటిలో మునుగుతుంది. ఇనుముతోనే తయారైన ఖాళీ డబ్బా మాత్రం నీటిపై తేలుతుంది.
+ అంటే నీటిలో మునిగే
స్వభావము పదార్థం మీదనే కాక అది ఉన్న ఆకారంపై కూడా ఆధారపడుతుంది.
+ నీటిలో మునిగే
వస్తువులను ఆకారాన్ని మార్చడం ద్వారా తేలేలా చేయవచ్చు. కానీ నీటిలో తేల స్వభావం గల
వస్తువులన్నింటినీ మునిగేటట్లు చేయలేము.
+ కొన్ని పదార్థాలు
నీటిలో కలిపినపుడు పూర్తిగా కరుగుతాయి. ఇటువంటి పదార్థాలను నీటిలో కరిగే పదార్థాలు
అంటారు.
+ వెనిగర్, నిమ్మరసము
వంటివి నీటిలో కరిగే పదార్థాలు.
+ మరికొన్ని పదార్థాలు
నీటిలో కలిపినపుడు కరగవు. ఇటువంటి పదార్థాలను నీటిలో కరగని పదార్థాలు అంటారు.
+ కొబ్బరి నూనె,
కిరోసిన్ వంటివి నీటిలో కరగని పదార్థాలకు ఉదాహరణలు.
ఇవి కూడా . . .
+ ఒక
వస్తువు రంగు దానినుంచి విడుదలయ్యే కాంతి రంగుపై ఆధారపడి ఉంటుంది
+ ఒక
వస్తువు నుంచి విడుదలయ్యే కాంతిని బట్టి ఆ వస్తువు యొక్క రంగును మనం చూడగలుగుతాం.
+ ఒక
వస్తువు తేలడం లేదా మునగడం అనేది వస్తువు సాంద్రతతో పాటు మాధ్యమం సాంద్రతపై కూడా
ఆధారపడి ఉంటుంది.
+ నీటి
సాంద్రత 1 గ్రా/మి.లీ. ఏదైనా వస్తువు నీటిపై తేలాలంటే దాని సాంద్రత 1 గ్రా/మి.లీ.
కన్నా తక్కువ ఉండాలి.
+ మంచుగడ్డ
స్ఫటికాకారంలో ఉన్నప్పటికీ దాని సాంద్రత నీటికన్నా తక్కువగా ఉండటం వల్ల నీటిపై
తేలుతుంది.
+
‘క్యాండిల్’ అనే పదము ‘క్యాండేర్’ అనే లాటిన్ పదము నుంచి వచ్చింది. క్యాండేర్ అంటే
అర్ధం మెరుపు.
+
బివ్యాక్స్ తో తయారుచేసిన కొవ్వొత్తులు తీయటి వాసన కలిగియుంటాయి. తక్కువ
పొగనిస్తాయి.
+ ఒక
పారదర్శక పదార్దం గుండా ఏ రంగు కాంతికిరణం ప్రయాణిస్తుందో అదే రంగు కాంతి కిరణము
బయటకు వస్తుంది.
+ పిల్లి రోజులో దాదాపు 14 గంటలు నిద్రలో గడుపుతుంది.